Ծնվել է 2001 թ մայիսի 20-ին: 2007 թ հաճախել է Արմավիրի 2-րդ դպրոց, հետո թիվ 1 ավագ դպրոց: Մանկուց զբաղվել է քիկբոկսով, կառատեով, հաճախել է շախմատի դպրոց: Ընդամենը երեք ամիս ծանրաբեռնված պարապելուց հետո, 2019 թ.-ին ընդունվեց Հայ Ամերիկյան Համալսարան` AUA :
2019-ի ամառանը Ազիզը զորակոչվեց բանակ: Ծառայեց 6 ամիս Լուսակերտում, հետո Մեղրի: Մեկ տարի երեք ամիս ծառայեց հայոց բանակում: Նա հրետանավոր էր, կրտսեր սերժանտ, հաշվարկի հրամանատար: Լավագույն հաշվարկ կատարող:
Մարտնչեց 21 օր, փրկեց հարյուրավոր կյանքեր: Նա բազմիցս չի ենթարկվել հրամանների և վազել է կյանքեր փրկելու` երբեք չմտածելով իր կյանքի մասին:
Նա ընկավ հոկտեմբերի 18-ի լույս 19 գիշերը` 1:30, հենց այն նույն ժամին, երբ լույս աշխարհ էր եկել:
