Ծնվել է Երևանում 1997թ օգոստոսի 2-ին։ Սովորել և ավարտել է Երևանի Գ. Զոհրապի անվան N 97 դպրոցը։ Դպրոցին զուգահեռ ինքնուրույն սովորել է ծրագրավորում: Ութերորդ դասարանից աշխատելէ այդ մասնագիտությամբ մի շարք կազմակերպությունների և անհատների հետ:
Դպրոցին զուգահեռ զբաղվում էր մարմնամարզությամբ, բոքսով, լողով։ Դպրոցն ավարտելուց հետո ընդունվել է ԵՊՀ ֆիզիկայի ֆակուլտետ՝ անվճար հիմունքով։
Մասնակցել է «Պատիվ ունեմ» ծրագրին, համալսարանին զուգահեռ սովորել է Վազգեն Սարգսյանի անվան ռազմական համալսարանում և բանակ զորակոչվել է որպես լեյտենանտ ԼՂՀ:
Դ-30 հաուբից հրանոթի հաշվարկի հրամանատար էր, իր գործին գերազանց էր տիրապետում։ Պատերազմի օրերին էլ մշտապես ակտիվ մարտական գործողությունների մեջ էին։
Առաջին օրվանից աչքի է ընկել իր խելքով ու պատերազմի ժամանակ կատարել է մարտկոցի ավագ սպայի պարտականություններ։
Զոհվել է հոկտեմբերի 8-ին։ Պարգևատրվել է Արիության մեդալով:
Ձեզ բացակա չենք դնի․ Էրիկ Արմենի Գևորգյան
ԵՊՀ-ում ներկայացվեց պատերազմում զոհված Էրիկ Գևորգյանի անվան կրթամրցանակը
