Հարություն Սեյրանի Մկրտչյան ծնվել է 1993թին դեկտեմբերի 31ին Արմավիրի մարզի Նոր Կեսարիա գյուղում։Սովորել է տեղի միջն. դպրոցը ։
Զբաղվել է անասնապահությամբ հողագործությամբ։
Շատ խելացի և հոգատար զավակ է եղել Հարությունը ,ծնողին հարգող և գնահատող։
2011թ զորակոչվել է բանակ,ծառայել է Եղնիկներում։
Հարությունի հրամանատարը եղել է Քյոխը,ումից և նա սովորել է հայրենասիրություն։
Հարությունը տիրապետել է ԱԳՍ զենքին։
Ծառայության ժամանակ ստացել է կրտսեր սերժանտի կոչում,ապա ավագ սերժանտի։
2013թ ավարտել է ծառայությունը և իր ծննդյան օրը անակնկալ անելով վերադարձել է տուն։
2014թ Հարությունն ամուսնանում է, աշխատում դառը քրտինքով, սիրով և ուրախությամբ պահում իր ընտանիքը։
Ունի 2երեխա՝ տղա և աղջիկ։
Աղջիկը 2ամսեկան էր, երբ սկսվեց պատերազմը։
Մոբի զորքով Հարությունը մեկնում է զորավարժությունների, այնուհետև Արցախ։ Կռիվ են մղում Ջաբրայիլում։
Հոկտեմբերի 12ին վերադառնում են տուն։
Տղաները դեռ չկազդուրված նորից կանչում են հերթափոխության։ Նոյեմբերի 26ին մեկնում են իբրև Լաչին,բայց տանում են Հադրութի Հին թաղեր և Խծաբերդ գյուղերը։
Ընդհանուր 11 հոգուց բաղկացած վաշտը հանձն է առել պահելու «Վիշկի» դիրքը: Դեկտեմբերի 10-ին Տղերքին պետք է փոխարինեին, բայց ինչ-որ հարցեր են ծագել։ Դեկտեմբերի 12-ին, երեկոյան՝ ժամը 20:00-ին, մարտերը սկսվել են, բոլորը նահանջի հրաման են ստացել, բայց, քանի որ իրենք սարի վրա են եղել, նահանջի հնարավորություն չեն ունեցել, 4 կողմից շրջափակված են եղել: Չեն հանձնվել, թշնամու հետ մարտի են բռնվել: Ոչ մեկը իրենց օգնության չի հասել, ընդհակառակը՝ իրենք են թիկունքը պաշտպանել, որպեսզի 200 զինվոր կարողանա նահանջել: Նույնիսկ թշնամին տեսանյութեր էր հրապարակել, թե ինչպես են բարձրանում նույն սարը, գրավում այդ դիրքերը: 9 հոգով, մոտավորապես, 150 թշնամու կորուստ են պատճառել ու իրենց դեմ կռվել է Թուրքիայի հատուկջոկատայինների խումբը։
Տղաների մարմինները հարազատներին են հանձնել դեկտեմբերի 16-ին: Ըստ տեղեկությունների, մարմինները հանձնել են թշնամու բարձրաստիճան պաշտոնյայի հրահանգով: Վերջինս ասել է, որ այդ հերոսական մարտը 9 հոգով են մղել, ՀԵՐՈՍԻ պես էլ պետք է հանձնվեն:
ԱՀ նախագահ Արայիկ Հարությունյանի կողմից և վերջինիս հրամանով 2020 թվականի սեպտեմբերի 27-ից հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար Արմավիրի մարզից Խծաբերդի ուղղությամբ մղված մարտերում զոհված ինը զինծառայողներ հետմահու արժանացել են «Արիության համար» մեդալի։
Ձեզ բացակա չենք դնի․ Հարութ Սեյրանի Մկրտչյան
