Սմբատ Միքայելի Բաղդասարյան, կամավոր, ծնվել է 1991 թ. օգոստոսի 14 Քանաքեռ ՀԷԿ:
Ավարտել է Հայաստանի պետական ճարտարագիտական համալսարանի «կիրառական մեխանիկա» բաժինը: 2014-2016 թթ սովորել է Հայաստանի պետական տնտեսագիտական համալսարանում, ստացել մագիստրոսի աստիճան: Նույնիսկ կենցաղային հարցերին տալիս էր իր գրագետ լուծումները: Ծառայել է Գորիսի զորամասում, եղել է կապի մասնագետ: Երբ սկսվեց պատերազմը, 2020 թ. սեպտեմբերի 27-ին Սմբատն իր տեղը չէր գտնում, առաջին իսկ օրը կամավորագրվել և սպասում էր իր հերթին: Սմբատը նույնիսկ ընտանիքում առանձնանում էր պատվախնդրությամբ, անձնվիրությամբ: Հոկտեմբերի 19-ից մասնակցել է Կարմիր Շուկայի շրջանում ընթացող թեժ մարտերին: Հոկտեմբերի 20 լույս 21-ի գիշերը ավիահարվածների տակ մինչև վերջին փամփուշտը Սմբատենց ջոկատը հերոսաբար կռվել է մինչ լուսաբաց, թշնամու գնդակից Սմբատը հերոսաբար զոհվել է: Դին գտել են նոյեմբերի 24-ին Հադրութից, հուղարկավորել են նոյեմբերի 25-ին:
