"4 ընկերներով թշնամու սահման են անցել, 28 հոգանոց ջոկատին ետ շպրտել, սնունդով ու ռազմամթերքով հետ եկել". ճանաչե՛ք ՀԵՐՈՍ Ռազմիկ Գալստյանին
Ռազմիկ Արթուրի Գալստյանը ծնվել է 2001 թվականի հունվարի 24-ին, Արագածոտնի մարզի Օշական համայնքում։ Ավարտել է տեղի միջնակարգ դպրոցը։ Ալաշկերտ ֆուտբոլային ակումբի լավագույն ֆուտբոլիստներից էր։ Նպատակներ ուներ ֆուտբոլի հետ կապված, որոնք մնացին անկատար…
Ագրարային համալսարանում ուսումը կիսատ թողնելով՝ Ռազմիկը 2020 թվականի հունվարի 17-ին զորակոչվում է Հայոց Բանակ։ Ծառայել է Մարտունի 2 զորամասում, որպես դիպուկահար։ 44-օրյա պատերազմի ընթացքում մասնակցել է Մարտունու պաշտպանության համար մղվող մարտերին։
Մարտերից մեկի ժամանակ Ռազմիկը, Ջրականում 4 կմ անցնելով ադրբեջանական սահմանը, իր ընկերների` Նարեկի, Գևորգի և Հայկի հետ ետ է շպրտել թշնամու 28 հոգանոց ջոկատը, խոցել մեկ զինտեխնիկա և վերադարձել սնունդով ու ռազմամթերքով, բայց, ավաղ, զոհվեց հոկտեմբերի 7-ին՝ կարոտով թողնելով Մոր սիրտը…