Աբրահամ Տիգրանի Մարուխյանը ծնվել է 1995 օգոստոսի 10-ին: Սովորել է Չայկովսկու անվան դպրոցում, ստացել վոկալիստ մասնագիտություն, ավարտել է Եվրոպական համալսարանի դիվանագիտական բաժինը, 2016 թվականից եղել է ՈՄԱ (Ողջ մնալու արվեստ) դպրոցում, ու եղել լավագույններից, սովորել Զինվորական գործ։
Հետո սովորել է Վազգեն Սարգսյանի ռազմական համալսարանում 1 տարով, հետո մեկնել է ծառայության՝ կամավոր ընտրելով Մատաղիս, որպես սպա։ Ծառայել է որպես հրետանու հետախուզության պետ, պատերազմից 15 օր առաջ զորացրվել էր:
Պատերազմի առաջին իսկ օրը կամավոր մեկնել ռազմաճակատ, կռվել է Ջրականում, Հորադիզ, որտեղ էլ զոհվել է։ 44-օրյա պատերազմի ժամանակ հակառակորդի դեմ ծավալված մարտերի ընթացքում կարողացել է անցնել մեր կողմից լքված դիրքեր, որոնք հակառակորդի հսկողության տակ են եղել, ոչնչացրել կարևոր փաստաթղթեր, բերել զենք զինամթերք։
Աբրահամի միակ նպատակը Հայրենիքը ազատագրված տեսնելն էր։ Երբ վիճակը Հորադիզում վատացել էր, հետ նահանջ հրաման է եղել, Աբրահամը և 5 տղա՝ պահելով հետ նահանջող ընկերներին՝ զոհվում են։ Աբրահամը զոհվել է հոկտեմբերի 2-ի գիշեր լույս 3-ի առավոտ։
Հետմահու պարգևատրվել է՝ «Մարտական ծառայության», «Մայրական Երախտագիտության» և «Արիության» մեդալներով: Հուղարկավորված է «Եռաբլուր» զինվորական պանթեոնում:
«Մամ, եթե չգամ, չլացես». պատերազմում զոհված Աբրահամ Մարուխյան
