Հարություն Ֆահրադյան

Ծնվել է 2000թ֊ի սեպտեմբերի 9֊ին Արագածոտնի մարզի Թալին քաղաքում։ 2006֊2015 թվականներին սովորել է Թալինի թիվ 1 հիմնական դպրոցում։ 2015֊2019 թվականներին սովորել է Թալինի պետական քոլեջում՝  ծրագրավորողի մասնագիտությամբ։ 

2019թ. հունվարի 17֊ին զինվորական ծառայության է անցել Արցախում , ծառայել է Ջաբրայիլի 59703 զորամասում։ 

Սեպտեմբերի 27֊ից՝ պատերազմը սկսվելու օրվանից եղել է առաջնագծում։ Հերոսաբար մարտնչել է Ջաբրայիլի, Հադրութի, Վարանդայի թեժ մարտերում։ Պարգևատրվել է շնորհակալագրով ։ Մինչև վերջին շունչը համառորեն պայքարել է, օգնել իր զինակից ընկերներին։

Զոհվել է հոկտեմբերի 21֊ին՝ դիպուկահարի կրակոցից ։ Վարանդայի կատաղի մարտերում իր վիրավոր ընկերոջը օգնություն ցուցաբերելիս։

Հետմահու պարգևատրվել է «Մարտական ծառայություն» մեդալով և «Մարտական խաչ» 1֊ին աստիճանի շքանշանով։