Օթար Ամարյան

Օթար Ամարյանը ծնվել է 1998 թ․ հուլիսի 16-ին Գերմանիայում։

 ՌԴ-ից վերադարձել է Հայաստան՝ պաշտպանելու հայրենի հողը։

Սպորտը դարձել էր նրա մարմնի ու հոգու շարժիչ ուժը։ Քիքբոքսինգով զբաղվել էր, մասնակցել էր հանրապետական մրցումների, արժանացել մեդալների։

Ընկերասեր էր, միշտ պատրաստ օգնելու։ Բոլորին վարակում էր ժպիտով ու կենսախնդությամբ։

Դժվար պահերին էլ ուներ միևնույն մեղմ ժպիտը՝ լի հույսով։

Եղբոր հետ գործեր էր նախատեսել, երազում էր օգնել ծնողներին, կյանքը շարունակել խաղաղ ու բարի։

Վերջին անգամ ծնողների հետ խոսել է 2020-ի հոկտեմբերի 31-ին. «Ոնց եք», ձայնը դողում էր, ասաց՝ «Երեկոյան կզանգեմ»… բայց չհասցրեց։

Անմահացել է 2020 թ․ հոկտեմբերի 31-ին։