Ծնվել է 2001 թվականի հունիսի 17-ին Երևանում։ Սովորել է Երևանի Վարդգես Պետրոսյանի թիվ 51 դպրոցում։ Ավագ դպրոցում ուսում շարունակել է Երևանի Քվանտ վարժարանում։ 11–12-րդ դասարանները սովորել է Միջազգային Բակալավրիատի Դիպլոմա ծրագրով, ստացել է ավարտական վկայական։ ՀՀ զինված ուժերում ժամկետային ծառայությունն ավարտելուց հետո ուսումը պետք շարունակեր Նիդերլանդերում։ Սեդրակը լիարժեք տիրապետում էր անգլերեն և ռուսերեն լեզուներին։ Վաղ տարիքից զբաղվում էր լողով, մասնացել էր բազմաթիվ մրցաշարերի, ստացել էր մեդալներ ու պատվոգրեր։
2019 թվականի հուլիսից Սեդրակն անցել է ծառայության ՀՀ զինված ուժերում։ Ծառայության առաջին վեց ամիսներն անցել են Գյումրիի հակատանկային ուսումնական կենտրոնում, որտեղ ստացել է կրտսեր
սերժանտի կոչում և Ֆագոտ հակատանկային հրթիռային համակարգի մասնագիտացում։ 2020 թվականի հունվարից ծառայությունը շարունակել է Արցախի Հանրապետության Արալեռի զորամասում։ Եղել է
դասակի հրամանատարի տեղակալ։
Պատերազմի առաջին օրվանից, զորամասի 4-րդ դասակի կազմում մասնակցել ռազմական գործողություններին Ջրականում։
Հոկտեմբերի 10-ին, Ջրականի տարածքում հերթական մարտական առաջադրանքը կատարելիս, Սեդրակը զոհվել է թշնամու հետ անհավասար մարտում՝ 4-րդ դասակի 11-րդ մարտկոցի զինակից բոլոր ընկերների հետ միասին։
Հետմահու պարգևատրվել է «Մարտական Ծառայության»
մեդալով։
