Վազգեն Իսոյան

Վազգեն Կարենի Իսոյանը ծնվել է 2000 թ. նոյեմբերի 28-ին Երևանում: 

Դպրոցից հետո ընդունվել է Հայաստանի ազգային ագրարային համալսարան, 2-րդ կիսամյակում՝ 2019 թ․հունվարին զորակոչվել է Մատաղիս:

Պատերազմի օրերին տեղափոխվել է Հադրութ, կատարել իր առջև դրված բարդ խնդիրները: Մասնակցել է ինժեներական կառույցների կահավորման աշխատանքներին, հակառակորդի ինտենսիվ կրակի տակ: Ստորաբաժանման կազմում մասնակցել է դիվերսիոն-հետախուզական խմբերի(ԴՀԽ) հետ մղման և ոչնչացման գործին: Ստանալով վիրավորում` շարունակել է կռիվը Մարտունիում, մասնակցել զոհված ու վիրավոր ընկերների տարհանմանը: 

Երազանքը՝ ընտանիք կազմել,  լինել պատերազմի վետերան, կիսատ մնաց…: 44 օր քաջաբար մարտ մղելուց հետո հերոսացել է:

Հետմահու պարգևատրվել «Մարտական ծառայություն» և «Արիության համար» մեդալներով:

Ձեզ բացակա չենք դնի․ Վազգեն Կարենի Իսոյան