Վլադիմիր Կամոյի Սարգսյանը ծնվել է 2000թվականի մայիսի 11-ին, ԱՀ Մարտունու շրջանի Մուշկապատ համայնքում։ 2006թ.-ին հաճախել է գյուղի միջնակարգ դպրոց ու ավարտել 2017թ.-ին: 2018թ.-ին անցել է պարտադիր զինվորական ծառայության՝ Ջրականում: Այդ ընթացքում աչքի է ընկել որպես կարգապահ, խիզախ, օրինակելի զինվոր և հայրենիքի պաշտպան, զորամասի հրամանատարության կողմից արժանացել գովասանքի և խրախուսանքի: Պարտադիր զինվորական ծառայությունն ավարտել է 2020թ.-ի օգոստոսի 30-ին։ Վլադիմիրը դեռ չէր հասցրել փարատել ծնողների կարոտը, երբ սկսվեց 44-օրյա պատերազմը։ Նա չերկմտեց, զենք վերցրեց ու նետվեց մարտի։
Նա իր մեծ երազանքները տեսնում էր միայն հայրենիքում. սիրում էր հայրենի գյուղը ու իր ապագան միայն այստեղ էր տեսնում։ Նա այն հերոսներից էր, ով չվախեցավ կանգնել թշնամուն դեմ-հանդիման, պաշտպանեց այս հողը, որ այնքան թանկ էր Վլադիմիր համար։
