26-ամյա Նարե Վարդանյանը Արցախյան պատերազմի հետևանքով ընտանիքի հետ տեղահանվել է և ապաստան գտել Հայաստանի Կոտայքի մարզի Հրազդան քաղաքում։ Ասում է, որ ո՛չ Հայաստանում է դեռ հարմարվել ստացվում, ո՛չ էլ Արցախում է այս պահին ապագա տեսնում։ Ընտանիքը փորձում է դեռ պատերազմի շոկից դուրս գալ։
Արցախյան պատերազմը գլխիվայր շրջել է Հարությունյանների ընտանիքի կյանքը։ 37-ամյա Սիրուշ Սիմոնյանի ամուսինը՝ Արցախի Հանրապետության ոստիկանության ՊՊԾ գումարտակի 2-րդ վաշտի հրամանատար Արսեն Հարությունյանը, հայրենիքը պաշտպանելիս զոհվել է հոկտեմբերի 15-ին։
Բռնցքամարտիկ Դավիթ Ղազարյանը մարզաշխարհի հետ կապված մեծ հեռանկարներ ուներ: Մարզական կազմվածքով թիկնեղ դյուցազունը ապագայում նաև մտադիր էր զբաղվել մարտեր առանց կանոնների մարզաձևով: Բայց երազանքն անկատար մնաց, 44-օրյա պատերազմը ընդհատեց տղայի կյանքը 21 տարեկանում:
Սվետա Աբրահամյանը մեկ տարի ու ինը ամիս ապրում է սրտի սեղմոցով. որդին՝ Նելսոն Աբրահամյանը անհետ կորած է: Հադրութի իրենց տնից կամավոր զորամաս է գնացել ու կռվել Ֆիզուլիի կարախանբեյլի հատվածում՝ պատերազմի հենց առաջին օրը, Հադրութում պայթած առաջին արկից հետո:
44-օրյա պատերազմի մասնակից Էրիկ Գրիգորյանը ծնվել է 2000 թվականի հունիսի 9-ին Ստեփանակերտում, բայց ամբողջ մանկությունն ու պատանեկությունն անցկացրել է Շուշիում, խաղացել Կանաչ ժամի բակում, երազել Շուշիի բարձունքում։ Զորակոչվել է 2019-ի հունվարի 21-ին, ծառայել է Մատաղիսում։ Հոկտեմբերի 24-ին կասետային ռումբի հարվածից ծանր վիրավորվել է՝ կորցնելով ոտքը։
Չկա սփոփանքի որևէ խոսք, որ կարող է մեղմել կամ ամոքել 38-ամյա Նունե Գրիգորյանի վիշտը։ Արցախյան տարբեր տարիների պատերազմներում Նունեն կորցրել է հորը, եղբորը, իսկ վերջին պատերազմի ավարտից ընդամենը ժամեր առաջ՝ ամուսնուն։
«Ամեն ինչ կարանք նորից ստեղծենք, մի բան կարանք անենք, բայց որ գիտես՝ ամուսինդ հետ չի գալու, եղբայրդ հետ չի գալու, էդ մտքից խեղդվում ես ու տանջվում»,- ցավից մորմոքում է 39-ամյա Ռատխա Ավագիմյանը, որի ամուսինն ու եղբայրը զոհվել են Արցախյան պատերազմի ընթացքում, Հադրութում ունեցած տունն ու ապրուստն էլ հայտնվել են հակառակորդի վերահսկողության տակ:
Թևից մտած ու կոկորդում մնացած բեկորը բժիշկները հեռացրին հոսպիտալում, բայց ո՞վ կարող է հեռացնել ընկերոջ՝ Վլադի՝ ականջներում մնացած ձայնը․ օգնեք տղե՛րք, մահանում եմ։ Վլադը մահացավ Նորիկից ընդամենը մի քանի մետր հեռավորության վրա։
Արցախյան պատերազմի հետևանքով Արսեն Ղարախանյանի ընտանիքի անդամները կսկիծն ու դառնությունը հաղթահարել չեն կարողանում։ Արսեն Ղարախանյանի կինը՝ 39-ամյա Վարդուհի Ղարախանյանը, «Մեդիալաբին» պատմում է, որ ամուսինը կամավոր մասնակցել է Արցախյան պատերազմին, ապա գերեվարվել, իսկ այնուհետև սպանվել հակառակորդի կողմից։
Հունիսի 28-ին, ավանդույթի համաձայն, հերթական հուշ-ցերեկույթը տեղի ունեցավ Երևան քաղաքի Նոր Նորք վարչական շրջանում:
Համո Սահյանի անվան կենտրոնական գրադարանում տեղի ունեցավ բանաստեղծուհի Արփինե Սարիբեկյանի «Քաջերի երթ» բանաստեղծությունների ժողովածուի շնորհանդեսը:
